Terugblik op Pinkpop in Geleen

pink pop 85 08 remake

Ed Leunissen gaat voor euRegio Radio herinneringen ophalen aan de Geleense periode van Pinkpop. Wat herinner jij je nog deze periode?

foto: Jos Eurlings

foto: Jos Eurlings

Hoi allemaol,
Ich wil ein oproop doon.
Zoa wie misjien bekènd maak ich op vandaag mien radioprogramma’s veur EuregioRadio, loester mer èns via www.euRegioRadio.eu es geer wilt.
Meerdere keren per daag in ’t Gelaens dialect en biej ein deil collega’s ouch in ’t Hollesj.

In ein van die oere zit ummer de vaste rubriek rondj Pinkpop in Gelaen en die kump op ein anger momènt ouch eine keer trök in ’t Hollesj.
“Pinkpop de Gelaense Jaore” hèt dat item.
Zoawie misjien bekènd waore dat de jaore tösje 1970 en 1986. Eder jaor opnuuj in ós eige Gelaense Burgemeister Daemepark. En mèt dök nog ónbekènde name in de waereldsjtad die later de waereld euver ginge. Fleetwood Mac, Dire Straits, en zelfs Police en U2. Mer ouch dat wis geer al 😉

In die vaste rubriek kómme die allemaol veurbiej, mèt meziek en ouch in de (korte) verhaole en besjrievinge die ich es prizzentator dao biej doon.
Mer veer zin noe op zeuk nao euR verhaole veur dao biej!
EuR verhaol es bezeuker van dat terrein en dat festival in die jeugjaore.
Luuj die (eesj in ’t plat en daonao ouch in ’t Hollesj) ós beveurbeeld vertèlle wie awt ze zelf waore in die jaore, welke artieste dat ze zich herinnere of welke angere verhaole d’r te vertèlle zin, dus wat Pinkpop veur hun beteikende in dae tied.

Ein rubriek van (pakweg) angerhawf pès 2 minute en die ich veur dich kèn en wil opnumme en achteraaf de vergissinge of foute d’r oet kèn knippe.
Of de dènger dies emes lever toch neet vertèlt op radio.
Misjien zelfs väöl meë opnumme en dao dan 2 minute oet haole?
Zègk ’t mer, veer reigele ’t waal biej EuRegioRadio.eu 😉
Mien vraog hiej is dus noe of emes dao ein biedrage aan zaw wille levere.
En es dat zoa is, wienea dat veer dan ein aafsjpraok zawwe kènne make om dat op te numme.

Laot mich mer èns weite was te van dat idee vèngs en wienea veer aafsjpraeke.
Bedank alvas veur dit laeze en euR reagere.
Mail mich mer, dan kump ’t good
Grtj
Ed
Ed Leunissen
presentator/samensteller
www.euregioradio.eu

Een reactie

Laat een reactie achter bij Paul Leenen Reactie annuleren

Het e-mailadres wordt niet gepubliceerd. Verplichte velden zijn gemarkeerd met *